Cebu City – Arestado ng Cebu City PNP ang isang lalaki na Top 1 Most Wanted Person (Provincial Level) sa kasong Rape sa Sitio Tugasan, Brgy. Guadalupe, Cebu City nito lamang Huwebes, ika-11 ng Agosto, 2022.
Kinilala ni Police Lieutenant Colonel Dexter Maleza Calacar, Force Commander ng Cebu City Mobile Force Company, ang suspek na si Rhommel Dano Estoquia, 21, residente ng Sitio Tugasan, Brgy. Guadalupe, Cebu City, Cebu.
Ayon kay PLtCol Calacar, naaresto ang suspek bandang 10:00 ng umaga ng mga operatiba ng Cebu City Mobile Force Company, CCPO sa tulong ng mga tauhan ng Criminal Investigation and Detection Group ng Cebu Provincial Field Unit, 2nd Provincial Mobile Force Company, CPPO at Regional Intelligence Unit 7.
Samantala, ang suspek ay nadakip sa bisa ng Warrant of Arrest sa kasong Rape (Article 266-A) kaugnay sa Sexual Assault (Article 266-B) na may rekomendadong piyansa na Php200,000.
Ang Cebu City PNP ay patuloy sa kanilang mandato na ilagay sa likod ng rehas ang mga taong may pagkakasala sa batas.
###
Panulat ni Patrolman Aivan M Guisadio
