Bansud, Oriental Mindoro – Boluntaryong isinuko ng isang lalaki ang kanyang baril sa Bansud MPS sa Barangay Poblacion, Bansud, Oriental Mindoro noong Agosto 10, 2022.
Kinilala ni Police Major Christian Marquez, Chief of Police ng Bansud Municipal Police Station ang nag-surrender na na si alyas “Joeven”, residente ng Brgy. Rosacara, Bansud, Oriental Mindoro.
Ayon kay PMaj Marquez, boluntaryong pumunta sa nasabing Police Station at isinuko niya ang kanyang caliber 38 na revolver at maayos na binigay kay Police Executive Master Sergeant Rolando Macatangay Jr, Municipal Executive Police Officer ng Bansud MPS.
Ayon pa kay PMaj Marquez nasa kustodiya na ngayon ng Bansud MPS ang isinukong baril para sa tamang disposisyon.
Ito ay resulta ng patuloy na isinasagawang pagpapalakas ng ugnayan sa komunidad at information gathering mula sa mamamayan.
Source: Bansud MPS
###
Panulat ni PCpl Gerald Manlincon
