Tacloban City – Arestado ang limang indibidwal sa isinagawang Intensified Anti-illegal Gambling Operation ng Tacloban City PNP sa Brgy. 85, San Jose, Tacloban City nito lamang Miyerkules, Agosto 10, 2022.
Kinilala ni Police Captain Concas A Castello, Officer-In-Charge ng Tacloban City Police Station 1, ang mga naaresto na sina alyas Fred; alyas Del; alyas Lando; alyas Nil, mga nasa legal na edad at residente ng Brgy. 85, San Jose at alyas Cion, nasa tamang edad at naninirahan sa Brgy. 84, San Jose, Tacloban City.
Ayon kay PCpt Castello, isinagawa ng Tacloban City PNP ang nasabing operasyon bandang alas-3:00 ng hapon sa nasabing barangay kung saan nahuli sa aktong naglalaro ng baraha o “tong-its” ang limang nahuling lumabag sa batas.
Narekober sa mga nahuli ang isang set ng baraha at perang ginamit bilang pusta.
Nahaharap ang mga naaresto sa paglabag sa PD 1602 o Illegal Game Cards/Tong-its na ihahain sa Office of City Prosecutor.
Muling nagpapaalala ang Tacloban City PNP na tuluyan ng iwanan ang anumang uri ng ilegal na gawain at hinihikayat ang lahat na maging maingat at sundin ang mga batas.
###
Panulat ni Patrolwoman Rialyn B Valdez
