Naguilian, La Union – Arestado ang isang Top 1 Most Wanted Person (Municipal Level) sa kasong Rape ng Naguilian Municipal Police Station sa operasyon ng pulisya sa Naguilian, La Union nito lamang Miyerkules, ika-10 ng Agosto 2022.
Kinilala ni Police Major Jayson T Manuel, Chief of Police ng Naguilian MPS ang suspek na si Benedick Flora Floirendo, 24, walang asawa, manggagawa at residente ng Brgy. Bariquir, Naguilian, La Union.
Ayon kay PMaj Manuel, nahuli ang suspek bandang alas 4:43 ng hapon sa pinagsanib na puwersa ng Naguilian MPS, La Union Provincial Intelligence Unit, 1st at 2nd La Union Provincial Mobile Force Company at Regional Intelligence Unit 1.
Ayon kay PMaj Manuel, naaresto ang suspek sa bisa ng Warrant of Arrest sa kasong Rape at walang rekomendadong piyansa.
Ang Naguilian PNP ay maayos at matiwasay na ginagampanan ang kanilang trabaho sa kanilang nasasakupan at handang panagutin ang mga taong may pananagutan sa batas.
Source: Naguilian MPS
###
Panulat ni PSSg Marvin Jake Romero
