Maramag, Bukidnon – Arestado ang Top 1 Most Wanted Person (Municipal Level) sa kasong Murder sa isinagawang joint operation ng Bukidnon PNP sa Purok 6, Anahawon, Maramag, Bukidnon nito lamang Miyerkules, Agosto 10, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang suspek na si Aljhon Yabo Jimenez, 19, residente ng Purok 5A, South Poblacion, Maramag, Bukidnon.
Ayon kay PCol Lagare, nadakip ang suspek bandang 11:20 ng umaga sa naturang lugar ng mga operatiba ng Maramag Municipal Police Station at Regional Special Operations Unit 10 sa bisa ng Warrant of Arrest sa kasong Murder sa ilalim ng Criminal Case No. 39021-22 na walang inirekomendang piyansa.
Walang humpay ang pagsisikap ng Bukidnon PNP na ilagay ang may sala sa batas upang mapanatili ang kaayusan sa kanilang nasasakupan.
###
Panulat ni Patrolman Jomhel Tan/RPCADU 10
