Norzagaray, Bulacan – Tinatayang Php544,000 halaga ng shabu ang nakumpiska sa anim na suspek sa isinagawang buy-bust operation ng Bulacan PNP nito lamang Martes, Agosto 9, 2022.
Kinilala ni Police Colonel Charlie A Cabradilla, Acting Provincial Director ng Bulacan Police Provincial Office ang mga suspek na sina Richard Pineda y Padilla, 49, residente ng Centro Bulac, Sta. Maria, Bulacan; Jorge Lopez y Parulan, 42, residente ng Blk. 44 Lot 15 Pandi Heights 2, Pandi, Bulacan; Joven Bugarin y Sarmiento, 33, residente ng Blk. 2, Lot 9, Samantha Heights Subdivision, San Jose Del Monte, Bulacan; Leon Bello Y Del Rosario III, 34, residente ng Sitio Gulod, Sapang Palay Proper, San Jose Del Monte Bulacan; Romnick Isidro Y Hinton, 19, residente ng Blk. 25 Lot 9, Brgy. FVR, Norzagaray Bulacan; Kristine Guerina Y Llamas, 28, may-asawa, residente ng B-25 L-8 Phase 2 FVR Norzagaray, Bulacan.
Ayon kay PCol Cabradilla, bandang 8:00 ng gabi ng naaresto ang mga suspek sa Barangay FVR, Norzagaray, Bulacan ng pinagsanib na puwersa ng Norzagaray Municipal Police Station, Provincial Intelligence Unit ng Bulacan Police Provincial Office at Special Operation Unit-3 PNP Police Drug Enforcement Group.
Dagdag ni PCol Cabradilla, narekober mula sa suspek ang nasa humigit kumulang 80 gramo na hinihinalang shabu na may tinatayang halaga na Php544,000 at isang Php1,000 na marked money.
Nahaharap ang mga suspek sa kasong paglabag sa Section 5, 11, 26 ng Article II Republic Act 9165 o Comprehensive Dangerous Drugs Act of 2002.
Patuloy pa rin ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya ang ating bansa sa ipinagbabawal na gamot na sumisira sa kinabukasan ng ating mamamayan lalo na sa mga kabataan.
Source: Bulacan PPO
###
Panulat ni PCpl Jeselle V Rivera
