Candon City, Ilocos Sur – Arestado ng Ilocos Sur PNP ang Top 9 Most Wanted Person (Provincial Level) at Top 1 Most Wanted Person (City Level) sa kasong 2 Counts ng Child Abuse nitong ika- 9 ng Agosto 2022.
Kinilala ni Police Lieutenant Colonel Randy R Arellano, Officer-In-Charge ng Candon City Police Station, ang suspek na si Leomar Del Rosario y Gomez, 32, at residente ng Brgy. Tablac, Candon City, Ilocos Sur.
Ayon kay PLtCol Arellano, bandang 11:05 ng umaga nang naaresto ang suspek sa kanyang tirahan sa nabanggit na barangay ng mga operatiba ng Candon CPS, Ilocos Sur Provincial Intelligence Unit at 2nd Ilocos Sur Provincial Mobile Force Company.
Dagdag pa ni PLtCol Arellano, naaresto ang suspek sa bisa ng Warrant of Arrest sa kasong 2 Counts ng Child Abuse kaugnay ng RA 7610 o Special Protection of Children Against Child Abuse, Exploitation and Discrimination Act na may rekomendadong piyansa na Php400,000.
Ang operasyon ng PNP ay nagiging matagumpay dahil sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas.
###
Panulat ni PSSg Vanessa A Natividad/RPCADU1
