Aguinaldo, Ifugao – Arestado ng Ifugao PNP ang Municipal Top 1 Most Wanted Person (3rd Quarter CY 2022) sa kasong Rape nito lamang Lunes ng umaga, Agosto 8, 2022.
Kinilala ni Police Lieutenant Aldrin Mayam-o Atluna, Officer-In-Charge, Aguinaldo Municipal Police Station, ang suspek na 42 anyos, may asawa at residente ng Monggayang, Aguinaldo, Ifugao.
Ayon kay PLt Atluna, naaresto ang suspek sa nasabing lugar sa pinagsamang puwersa ng Aguinaldo Municipal Police Station (Lead unit), 2nd Ifugao Provincial Mobile Force Company, Provincial Intelligence Unit Ifugao, at ng 1st Regional Mobile Force Battalion 15.
Ayon pa kay PLt Atluna, naaresto ang suspek sa bisa ng Warrant of Arrest sa kasong Statutory Rape sa ilalim na walang inerekomendang piyansa, at 2 Counts of Rape by Sexual Assault na may kabuuang piyansang Php200,000.
Ang Ifugao PNP ay hindi titigil sa paghuli ng mga taong may pananagutan sa batas upang mabigyan ng hustisya ang mga biktima ng kriminalidad at upang matiyak ang ligtas at mapayapang nasasakupan.
Source: Ifugao Provincial Police Office
###
Panulat ni Patrolman Raffin Jude Suaya
