Paluan, Occidental Mindoro – Isinuko ng isang residente ang isang rifle grenade na natagpuan sa Sitio, Natao, Barangay Marikit, Paluan, Occidental Mindoro noong Agosto 7, 2022.
Ayon kay Police Colonel Jun Dexter Danao, Officer-In-Charge ng Occidental Mindoro Police Provincial Office, natagpuan ng isang residente ang rifle grenade na nakaipit sa isang ugat ng malaking puno sa bulubunduking bahagi ng Sitio Natao, Brgy. Marikit Paluan, Occidental Mindoro habang pinapastol niya ang kanyang kalabaw patungo sa ilog.
Dagdag pa ni PCol Danao, ang nabanggit na rifle grenade ay nasa pag-iingat ng Paluan MPS upang idaan sa tamang proseso ng pangangalaga.
Ito ay kasunod ng direktiba ni PCol Danao hinggil sa puspusang pagsasagawa ng Information Drive at OPLAN KATOK laban sa mga hindi rehistradong baril at pampasabog.
Source: Occidental Mindoro PPO
###
Panulat ni PCpl Gerald Manlincon
