Cabagan, Isabela – Nakiisa ang Isabela PNP sa Brigada Eskwela sa Alfreda Albano National High School sa Brgy Magassi, Cabagan, Isabela noong ika-8 ng Agosto, taong kasalukuyan.
Ang aktibidad ay pinangunahan ni Judy M Tarun, Principal II, na nilahukan ng mga tauhan ng Provincial Community Affairs and Development Unit (PCADU) ng Isabela PPO sa pamumuno ni PLtCol Michael A Aydoc, Chief, PCADU kasama ang mga tauhan ng 2nd Platoon, 1st Isabela Provincial Mobile Force Company; San Pablo Police Station; Cabagan Police Station; Delfin Albano Police Station at Tumauini Police Station sa hanay ng PNP katuwang ang mga miyembro ng faculty (teaching at non-teaching staff) ng nasabing paaralan.
Kaisa rin sa aktibidad ang mga magulang, guardians ng mga estudyante at komunidad kasama ang iba pang Advocacy Support Groups kagaya ng Isabela Pro Riders Club (Cabagan Chapter).
Bahagi ito ng Kick-Off Ceremony ng Brigada Eskwela 2022 na may temang: “Brigada Eskwela, Tugon sa Hamon ng Ligtas na Balik-Aral” na sinasagawa ng Kagawaran ng Edukasyon bilang paghahanda sa nalalapit na pagbubukas ng mga paaralan sa regular face-to-face class sa buwan ng Setyembre para sa susunod na school year 2022-2023.
Patuloy naman na hinihikayat ng Isabela PNP ang publiko na makiisa at makibahagi sa mga programang isinusulong ng pamahalaan kagaya ng pagpapanatili ng kalinisan ng kapaligiran at kaligtasan ng mga eskwelahan na magsisilbing pangalawang tahanan ng mga estudyante sa susunod na pasukan.
Source: Isabela PPO
###
Panulat ni PEMS Alily Wilcox
