Central Bicutan, Taguig City — Arestado ang isang miyembro ng Arao Robbery Group dahil sa nakumpiskang granada at baril sa kanyang possession sa anti-criminality operation ng Taguig City Police Station nito lamang Linggo, Agosto 7, 2022.
Kinilala ni SPD Director, PBGen Jimili Macaraeg ang suspek na si John Carlo Marces y Relente alyas “Atabs”, 25, lalaki, mekaniko ng motor, at naninirahan sa Taguig City.
Ayon kay PBGen Macaraeg, bandang alas-4:30 ng hapon naaresto ang suspek sa Atab’s Motor shop na matatagpuan sa kahabaan ng Ganchero St., Brgy. Central Bicutan, Taguig City ng mga operatiba ng Intelligence Operatives ng Taguig CPS, Makati City Police Intelligence Operatives, SDIT RIU-NCR Operatives at Intelligence operatives ng Meycauyan Bulacan.
Ayon pa kay PBGen Macaraeg, bago ang operasyon ay nakatanggap ng impormasyon mula sa ahente ng Barangay Intelligence Network hinggil sa suspek na may dalang baril na responsable din umano sa serye ng robbery hold-up sa Taguig City, Makati City, Pasig City, Muntinlupa City at Meycauyan, Bulacan.
Nang makumpirma ng pulisya ang nasabing ulat, dito nila nakumpiska kay Marces ang isang kalibre 38 Revolver ARMSCOR na kargado ng apat na live ammunition at isang hand grenade (explosive) na may COMP B LOT LS-162-62 Fuse no. M20482 at GBT-1-245-7-60.
Mahaharap ng suspek sa kasong paglabag sa RA 10591 o Comprehensive Firearms and Ammunition Regulation Act
“This successful operation is the product of our police and community partnership toward the attainment of a peaceful community, ito ang maganda ‘pag nagtutulungan ang pulis at komunidad para mahuli ang mga gumagalang kriminal sa ating nasasakupan, ang pagdadala ng baril na walang kaukulang dokumento at ang sino man na magdadala nito na hindi otorisado ng batas ay aming huhulihin para maiwasan ang krimen na maaaring mangyari kaugnay ng pagdadala nila nito,” ani PBGen Macaraeg.
Source: SPD PIO
###
