Novaliches, Quezon City — Umabot sa Php360,000 halaga ng marijuana ang nakumpiska sa dalawang menor de edad kasama ang isa pang lalaki sa buy-bust ng Novaliches Police Station nito lamang Sabado, Agosto 6, 2022.
Kinilala ni PBGen Remus Medina, QCPD Director, ang suspek na si John Christopher Tiongson Y Dela Cruz, alyas “John”; at dalawang menor de edad na sina alyas “Ji”, (CICL) at alyas “Pampy”, (CICL).
Ayon kay PBGen Medina, bandang 12:15 ng madaling araw nang maaresto ang mga ito sa Jollibee Parking Lot na matatagpuan sa kahabaan ng Quirino Hi-way cor. Kingspoint, Brgy. Sauyo, Novaliches, Quezon City ng pinagsanib pwersa ng Novaliches Police Station at PDEA.
Nakuha mula sa mga suspek ang limang medium sized at apat na large sized na transparent plastic sachet na hinihinalang pinatuyong marijuana na humigit kumulang 3 kilo at nagkakahalaga ng Php360,000.
Mahaharap si Dela Cruz sa kasong paglabag sa RA 9165 o Comprehensive Dangerous Drugs Act of 2002, samantala, ang dalawang menor de edad ay nasa pangangalaga ng DSWD.
Tiniyak ni PBGen Medina, na 24 oras na magpapatrolya ang kapulisan ng Kyusi upang maiwasan ang anumang uri ng kriminalidad para sa kaligtasan ng mamamayan.
Source: PIO Qcpd
###
Panulat ni PSSg Remelin M Gargantos
