Carcar City, Cebu – Nagsagawa ng mangrove tree planting ang mga tauhan ng Carcar City Police Station sa Brgy. Perrelos, Carcar City, Cebu nito lamang Linggo, Agosto 7, 2022.
Ang aktibidad ay pinangunahan ni Police Lieutenant Colonel Ardioleto G Cabagnot, Officer-In-Charge ng naturang istasyon katuwang ang mga miyembro ng Carcar EOD (Explosion Ordnance Disposal), CBDRP, Barangay Officials, at mga residente ng nasabing barangay.
Tinatayang nasa mahigit 250 piraso ng halamang mangrove o propagule ang naitanim ng grupo.
Ang nasabing aktibidad ay kabilang sa mga hakbangin ng Pambansang Pulisya upang maprotektahan at mapangalagaan ang ating kalikasan.
Patuloy naman na hinikayat ng Carcar City PNP ang publiko at mga grupo na katuwang nito na makiisa para sa mabilis at maayos na pagsulong at pagtupad ng mga programang nakatuon sa pagpapabuti at pagpapaganda ng ating kapaligiran.
###
