Eastern Samar – Nagsagawa ng PNP Oplan BES (Bisita Eskwela) ang mga tauhan ng 1st Eastern Samar Provincial Mobile Force Company sa Day Care at Elementary pupils ng Malogo Elementary School, Brgy. Malogo, Can-avid, Eastern Samar nito lamang ika-7 ng Agosto 2022.
Ang aktibidad ay pinangunahan ni Police Lieutenant Angelyn Glou A Cortado, Admin at PCAS Officer sa ilalim ng direksyon ni Police Lieutenant Colonel Joy G Leanza, Force Commander kasama ang mga Advocacy Support Groups at Force Multipliers ng Brgy. Malogo sa pangunguna ni Hon. Reynaldo Q. Oclado, Punong Barangay.
Humigit kumulang 120 na mga bata ang naging benipisyaryo ng Mobile Canteen, Mobile Barbershop at nabigyan ng coloring books, crayons at reading materials.
Nagbigay saya naman ang PCAS Hoofers sa pangunguna ni Police Corporal Gregy Orendain sa mga tao sa pamamagitan ng dance number.
Lubos naman ang pasasalamat ni Hon. Oclado at mga magulang at residente ng barangay sa mga kapulisan sa pagbisita at pagbibigay ng samu’t saring kagamitan at serbisyo sa mag-aaral ng Malogo.
Ang 1st Eastern Samar PMFC ay hindi titigil sa pamimigay ng mga tulong at pagpaparating sa mamamayan ng tunay na malasakit ng Pambansang Pulisya.
###
Panulat ni Patrolwoman Rialyn B Valdez
