Iloilo City – Nagsagawa ng tree planting activity ang mga tauhan ng Iloilo City Police Office sa pamumuno ni Police Colonel Leo T Batiles, City Director, nitong ika-6 ng Agosto 2022 sa Brgy. Tacas, Jaro, Iloilo City.
Ito ay pakikiisa sa Beautification at Environmental Protection Program na patuloy na ipinapatupad ng lokal na pamahalaan ng Iloilo City.
Kabilang sa mga nakiisa ang mga tauhan ng City Community Affairs and Development Unit sa pangunguna ni Police Lieutenant Colonel Regina O Roquim, at ng iba’t ibang PNP personnel mula sa Police Stations 1 to 6, Regional Recruitment and Selection Unit (RRSU6) kasama ang mga Barangay Officials ng Brgy. Tacas at ng People’s Law Enforcement Board (PLEB) sa pangunguna ni Ret. PSupt Dande B Deocampo, Chairman, PLEB.
Nakilahok din sa aktibidad ang mga miyembro ng Lingkod Bayan Advocacy Support Groups at Force Multipliers, gaya ng Barangay Peacekeeping Action Team (BPAT).
Tinatayang nasa 250 seedlings ng Palawan Cherry blossom ang matagumpay na naitanim sa paligid ng Tacas Catholic Church.
Samantala, hinimok naman ng Iloilo City PNP ang lahat ng mga residente ng Iloilo City na tumulong at makiisa sa programang pangkalikasan ng lokal na pamahalaan gaya ng pagtatanim ng endemic trees at iba pang fruit bearing trees para sa mas ikakabuti at ikagaganda pa ng lungsod.
###
