Paoay, Ilocos Norte – Isinagawa ng Paoay PNP ang Padyakan sa Paoay Municipal Police Station, Ilocos Norte para sa proyektong pangkabuhayan ni Manong Pulis nitong Biyernes, ika-5 ng Agosto, 2022.
Ang aktibidad ay pinangunahan ni Provincial Director, Police Colonel Julius Suriben ng Ilocos Norte Police Provincial Office at dinaluhan ni Municipal Mayor, Paoay, Ilocos Norte, Hon. Shiella A. Galano.
Ayon kay Police Major Sheryll C Guzman, Acting Chief of Police, ito ay nilahukan ng mga kapulisan ng lalawigan kasama ang iba’t ibang advocacy groups ng nasabing lugar.
Ayon pa kay PMaj Guzman, ang nasabing aktibidad ay sinimulan sa Paoay Sand Dunes at nagtapos sa Paoay Church, Ilocos Norte.
Samantala, nabigyan ng premyo ang mga limang naunang nakarating sa finish line na ang layong 10 kilometers na ruta ay payapang naidaos.
Pinasalamatan din ni PMaj Guzman ang mga bukas-palad na sponsors at sa lahat ng nakilahok sa naturang aktibidad.
Layunin nitong isulong ang pagkakaisa ng lahat para panatilihin ang kapayapaan at kaayusan na may aktibong suporta ng komunidad.
Source: Paoay Municipal Police Station
###
Panulat ni PSSg Lhenee B Valerio
