Rodriguez, Rizal – Nasabat ang tinatayang Php1,156,000 halaga ng shabu sa buy-bust operation ng Rizal PNP nito lamang Linggo, Agosto 7, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang mga suspek na sina Mukarsa Majindie (HVI), 69; Juhar Jailani, 28, parehong residente ng Almaje St., Avatex, Brgy. San Jose, Rodriguez, Rizal; Randy Serrano, 33, residente ng Likod Center, Brgy. Balite, Rodriguez, Rizal; Maria Iya Aldana, 34, residente ng 157 Brgy. Batasan Hills, Quezon City; Robert John Barad, 46, residente ng Saint Anne Compound, Brgy. Ampid 1, San Mateo, Rizal; at Jerome Lim, 32, residente naman ng 228 E. Manuel St., Brgy. San Jose, Rodriguez, Rizal.
Ayon kay PCol Baccay, bandang 2:43 ng madaling araw naaresto ang mga suspek sa Brgy. San Jose, Rodriguez, Rizal ng Provincial Intelligence Unit/ Provincial Drug Enforcement Unit ng Rizal.
Nakumpiska sa mga suspek ang 20 pirasong heat-sealed plastic sachets na naglalaman ng hinihinalang shabu na may bigat na 170 gramo na may tinatayang halaga na Php1,156,000, pitong pirasong Php1000 bill na ginamit bilang buy-bust money, at isang pouch at pera na nagkakahalaga ng Php1,000.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang tagumpay ng PNP laban sa ilegal na droga at iba pang krimen ay dahil sa pinaigting na pakikipag-ugnayan at suporta ng mamamayan para manatiling tahimik, maayos at ligtas ang komunidad.
###
Panulat ni Police Executive Master Sergeant Joe Peter Cabugon
