Misamis Occidental – Arestado ang mag live-in partner na suspek sa Bidding-Bidding Turns Money Investment Scam sa ikinasang Entrapment Operation ng Sapang Dalaga PNP nitong Biyernes, Agosto 5, 2022.
Kinilala ni Police Major Bobby Matugas Jr, Officer-In-Charge ng Sapang Dalaga Municipal Police Station, ang mga suspek na sina Marilyn Cayud-Ong Amores, 23, business woman at Nelson Pantorella Beste Jr, 29, pawang mga residente ng P-2, Dioyo, Sapang Dalaga, Misamis Occidental.
Ayon ka PMaj Matugas, naaresto ang mga suspek bandang 8:30 ng gabi sa Purok Sampaguita, Poblacion, Sapang Dalaga, Misamis Occidental ng pinagsanib pwersa ng Sapang Dalaga MPS, Provincial Intelligence Unit ng Misamis Occidental Police Provincial Office, Regional Intelligence Unit 10, Provincial Investigation and Detection Management Unit at Legal Office ng Misamis Occidental PPO.
Nakumpiska kay Amores ang cash money na nagkakalahaga ng Php11,000, pitong pirasong Metrobank Cheque na nagkakalahaga ng Php5,462,000, pitong pirasong assorted receipt, dalawang pirasong ID at limang pirasong suki card.
Ang Northern Mindanao PNP ay patuloy na huhulihin ang mga lumalabag sa batas upang magkaroon ng katahimikan at kaayusan ang Hilagang Mindanao.
###
Panulat ni Patrolman Edwin Baris/RPCADU 10
