Bucay, Abra – Nakiisa ang mga kapulisan ng Abra sa isinagawang community outreach program sa Brgy. Bangbangcag, Bucay, Abra nito lamang Agosto 6, 2022.
Ang aktibidad ay pinangunahan ng mga tauhan ng Abra Police Provincial Office sa ilalim ng liderato ni Police Colonel Maly C Cula, Provincial Director, Abra PPO na pinasimulan ng PNPA Tanglaw-Lahi Class 1999.
Katuwang din sa nasabing aktibidad ang mga tauhan ng Criminal Investigation and Detection Group Cordillera, na pinangunahan ni Colonel Juliet G Salvador, RC CIDG Cordillera, at Bureau of Jail Management and Penology Cordillera na pinangunahan ni Superintendent Catherine L Abueva, ARDA BJMP Cordillera.
Matagumpay na naipamahagi ng mga naturang grupo sa mga bata ng nasabing lugar ang mga gamit sa paaralan, laruan at relief goods na mula sa PNPA Tanglaw-Lahi Class 1999, PMA Class 1999, PMMA Class 1999 at iba pang civilian organizations.
Patuloy naman ang PNP na makikiisa sa mga programang ipinapatupad ng gobyerno katuwang ang iba pang mga ahensya ng pamahalaan sa pagpapaabot ng tulong sa mga kapwa nating lubos na nangangailangan lalo na ngayong pandemya.
Source: Pnp Abra Ppo
###
Panulat ni Patrolwoman Febelyne C Codiam
