Libon, Albay – Naglunsad ng Community Outreach Program ang Albay PNP para sa mga residente ng Barangay Bariw, Libon, Albay nito lamang Biyernes, Agosto 5, 2022.
Ang nasabing aktibidad ay pinangunahan ni Police Colonel Richard Aquitania, Officer-In-Charge ng Albay Police Provincial Office katuwang ang Libon Municipal Police Station, 1st Albay Provincial Mobile Force Company, NAPOLCOM RO5, Philippine Army, Rural Health Unit-Libon, Municipal Social Welfare and Development (MSWD)-Libon, Provincial Government ng Albay, Local Government Unit ng Libon sa pamumuno ni Hon. Wilfredo Maronilla, Municipal Mayor, Kabataan Kontra Droga at Terorismo (KKDAT) at ang Barangay officials ng nabanggit na lugar.
Nagkaroon ng free medical at dental consultation, libreng gupit, libreng binhi ng iba’t ibang klase ng gulay, prutas, food packs at feeding program.
Nagsagawa din ng stress debriefing, crime prevention lecture at ipinaliwanag din ang mga programa ng pamahalaan laban sa insurhensya.
Samantala, aabot sa 600 na mga residente na kinabibilangan ng kabataan, kababaihan, kalalakihan at mga senior citizens ang nahandugan ng nasabing mga programa.
Namumutawi sa mga mukha ng mga residente ng nasabing lugar ang kagalakan dahil sa pagmamahal at pagpapahalaga na inihandog at ipinaramdam sa kanila ng PNP at ng iba’t ibang ahensya ng pamahalaan upang sila ay handugan ng mga programa at serbisyo.
Source: Albay PPO
###
