Valencia, Bohol – Naglunsad ang mga tauhan ng Valencia Municipal Police Station ng “The Love Ko to Project ” sa Canduao Occidental, Valencia, Bohol nito lamang Agosto 5, 2022.
Ang aktibidad ay aktibong sinuportahan ng mga miyembro ng Valencia Municipal Police Station sa direktang pangangasiwa ni Police Captain Clifton P Gairanod, Chief of Police kasama ang mga miyembro ng Sangguniang Kabataan ng Brgy. Adlawan at Brgy. Canduao, Occidental.
Tinatayang nasa 21 na mga bata mula sa Brgy. Adlawan at Brgy. Canduao, Occidental, Valencia, Bohol ang dinala sa McDonald upang mananghalian at dinala rin ang mga ito sa World of Fun-ICM upang maglaro.
Lubos naman ang tuwa at pasasalamat ng mga bata maging ang kanilang mga magulang sa mga kapulisan ng Valencia MPS sa pagpapasaya at pagbabahagi ng pagkain sa mga ito.
Layunin ng aktibidad na ito na mabigyan ng pagkakataon ang mga batang walang pribilehiyo na bumisita sa lungsod at mabuo ang tiwala ng mga bata sa mga pulis at mas lalo pang palakasin ang ugnayan ng PNP at ng komunidad.
###
Panulat ni Patrolwoman Jenilyn C Consul
