Milagros, Masbate – Nagsagawa ng PNP Community Outreach Program ang mga tauhan ng Masbate 1st Provincial Mobile Force Company sa Barangay Poblacion West, Milagros, Masbate nitong Huwebes, Agosto 4, 2022.
Ang naturang aktibidad ay may temang “Hatag ni Abtik” na pinangunahan ni Police Lieutenant Colonel Norlando Mesa, Force Commander, katuwang si Police Lieutenant Luzanta Contreras, Deputy Chief of Police ng Milagros Municipal Police Station.
Namahagi ang grupo ng humigit kumulang 100 tsinelas at 100 school supplies na sinundan ng feeding program, storytelling at palaro sa mga mag-aaral ng Vicente Oliva Sr. Elementary School, Barangay Poblacion, Milagros, Masbate.
Layunin ng aktibidad na ito na mapalapit sa mga puso’t isipan ng mga kabataan at maipadama sa kanila na ang kapulisan ay hindi kinakatakutan sapagkat tayo ay kanilang kakampi sa lahat ng laban sa buhay.
Source: Masbate 1st PMFC
###
Panulat ni Patrolman Jomar Danao
