Sta. Catalina, Negros Oriental – Arestado ang magkapatid na matagal ng nagtatago sa batas sa kasong Murder sa operasyon na isinagawa ng mga otoridad sa Sitio Supo, Brgy. Nagbinlod, Santa Catalinan noong ika-4 ng Agosto 2022.
Kinilala ni Police Lieutenant Colonel Ronan R Claravall, Force Commander ng Regional Mobile Force Battalion 7 ang magkapatid na naaresto na sina Arbie Bendanillo, 35 at Nelboy Bendanillo, 26, mga residente ng nabanggit na lugar.
Ayon kay Police Lieutenant Colonel Claraval, naaresto ang magkapatid na Bendanillo sa bisa ng Warrant of Arrest para sa kasong Murder.
Dagdag pa nito, ang matagumpay na pagkakahuli sa mga suspek ay resulta ng maayos na ugnayan ng mga tauhan ng 705th Maneuver Company, RMFB7 (Lead Unit), 3rd Platoon, 45th Negros CAAC-1, Delta Company 11IB 31D Philippine Army, 61st SAC PNP SAF, Santa Catalina MPS, PIU NOPPO, RIU7 at ng komunidad.
Siniguro naman ng mga operatiba ng RMFB 7 na kanilang ipagpapatuloy ang maayos at pinaigting na kampanya nito laban sa iba’t ibang uri ng kriminalidad, maging sa pagtunton at pag-aresto sa mga taong may mga pananagutan sa batas.
###
