Tagbilaran City, Bohol – Masayang isinagawa ng mga tauhan ng Tagbilaran City PNP ang Project R.E.A.L. (Reading Enhancement, Assessment, and Literacy) Police Mobile Library on the Go at Palugaw ni Manang Hepe sa Covered Court Barangay Manga, Tagbilaran City, Bohol nito lamang ika-4 ng Agosto 2022.
Ang aktibidad ay pinangasiwaan ni Police Lieutenant Colonel Regie Palis Real, Chief of Police katuwang si Hon. Jane Yap, Municipal Mayor ng Tagbilaran City Bohol at ang mga Barangay Officials ng lugar.
Layunin ng aktibidad na mahandugan ng mga tulong ang kanilang mga residente lalo na ang mga bata kaya naman patuloy nilang nililibot ang kanilang programa upang makapaghandog ng biyaya sa lugar na kanilang nasasakupan.
Lubos naman ang tuwa ng mahigit sa 200 na nakiisa sa programa sa kanilang natanggap na tulong mula sa Tagbilaran MPS.
Tinitiyak naman ng Tagbilaran MPS na hindi sila titigil sa paghahandog ng tulong at pagseserbisyo sa mamamayan at pagpapadama ng tunay na malasakit at pagmamahal ng Pambansang Pulisya.
###
Panulat ni Patrolman Carl Philip L Galido
