Nakiisa ang Cagayan PNP sa pagsagawa ng Brigada Eskwela sa Sirit Elementary School, Brgy. Sirit, Abulug, Cagayan nito lamang Huwebes, Agosto 4, 2022.
Sinimulan ang aktibidad sa pamamagitan ng isang motorcade na sinundan ng isang maikling programa.
Sama-sama ang mga guro, iba pang volunteers, at mga miyembro ng Abulug Police Station sa paglinis ng kapaligiran ng nasabing paaralan at pagsaayos ng mga sirang kagamitan bilang paghahanda sa nalalapit na pagbubukas ng klase.
Samantala, sinabi ni Police Colonel Renell R Sabaldica, Provincial Director ng Cagayan Police Provincial Office na makakaasa ang Kagawaran ng Edukasyon na patuloy na makikiisa, susuporta, at tutulong ang PNP sa kanilang mga proyekto at mga programa para sa mga mag-aaral.
Source: Abulug Police Station
###
