Davao Oriental – Arestado ang isang High Value Individual sa isinagawang buy-bust operation ng tauhan ng PNP at PDEA sa Purok Gumamela, Brgy. Buso, Mati City, Davao Oriental, noong Agosto 4, 2022.
Kinilala ni PLtCol Ernesto Gregore, Chief of Police ng Mati CPS, ang suspek na si Ceasar Edillo Dizon, 47, residente ng nasabing lugar na tinaguriang Top 8 High Value Individual sa regional level.
Ayon kay PLtCol Gregore, naaresto ang suspek sa buy-bust operation ng pinagsamang tauhan ng Mati CPS at Regional Police Drug Enforcement Unit 11 sa pamumuno ni PLtCol Ronnie Fabia katuwang ang Provincial Intelligence Unit-Davao Oriental Police Provincial Office at PDEA.
Dagdag pa ni PLtCol Gregore, nakuha mula sa suspek ang ilang pakete ng hinihinalang shabu na may bigat na humigit kumulang 5 gramo na may street market value na Php40,000 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, lalo pang paiigtingin ng Police Regional Office 11 ang kanilang kampanya laban sa ilegal na droga sa rehiyong onse upang makamit na nila ang kanilang layunin na gawing drug-free ang lungsod sa pamumuno ni PBGen Benjamin Silo Jr., PRO11 Regional Director.
###
Panulat ni Patrolman Alfred Vergara
