Narvacan, Ilocos Sur – Arestado ng mga operatiba ng Police Regional Office 1, ang isang Wanted Person sa kasong paglabag sa RA 8791 nitong Ika-5 ng Agosto 2022.
Kinilala ni Police Colonel Wilson C Doromal, Provincial Director ng Ilocos Sur Police Provincial Office, ang suspek na si Bernardita Ceon y Bautista, 76 at residente ng Brgy. San Jose, Narvacan, Ilocos Sur.
Ayon kay PCol Doromal, naaresto ang suspek sa bisa ng Warrant of Arrest sa kasong paglabag ng Section 66 ng RA 8791 o The General Banking Act of 2000 na may inirekomendang piyansa na Php60,000.
Ayon pay PCol Doromal, naaresto ang suspek bandang 1:47 ng hapon sa nabanggit na barangay ng mga operatiba ng Narvacan Municipal Police Station, Ilocos Sur Provincial Intelligence Unit, 1st Ilocos Sur Provincial Mobile Force Company, 103rd Maneuver Company ng Regional Mobile Force Battalion 1 at Regional Intelligence Division 1.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at payapang komunidad.
Source: Narvacan MPS
###
Panulat ni PSSg Bader Ceasar Ayco
