Baguio City – Nagsagawa ng Brigada Eskwela Program 2022 ang Baguio City PNP sa Fort Del Pilar Elementary School, Loakan, Baguio City nito lamang Agosto 3, 2022.
Ang aktibidad ay pinangunahan ng mga tauhan ng Baguio City Police Office sa pamumuno ni Police Captain Nixon T Budikey, Station Commander katuwang ang mga guro.
Ang mga grupo ay naglinis, nagpintura at nagkumpuni ng mga sirang kagamitan ng paaralan.
Ang nasabing aktibidad ay may temang “Brigada Eskwela: Tugon sa Hamon ng Ligtas na Balik-Aral.”
Labis naman ang pasasalamat ng mga guro sa mga kapulisan sa matagumpay na pagsasaayos ng nasabing paaralan.
Patunay lamang ito na patuloy ang pambansang pulisya sa pagsuporta, pagtulong at pagprotekta sa kinabukasan ng mga kabataan.
Source: Baguio City Police Office Loakan
###
