Tanudan, Kalinga – Nagsagawa ng road clearing operation ang Tanudan PNP sa kahabaan ng Sitio Mapurais Barangay, Babbanoy, Tanudan, Kalinga nito lamang Agosto 3, 2022.
Ang operasyon ay pinangunahan ni Police Executive Master Sergeant Marciano C Puctiyao, Chief, Admin sa pamumuno ni Police Captain Manuel DM Sabado, Chief of Police ng Tanudan Municipal Police Station katuwang ang kanyang mga tauhan, mga volunteer at mga tauhan ng DPWH Kalinga.
Dito ay pinagtulungang inalis ng mga grupo ang mga gumuhong lupa at kahoy na nakatambak sa kalsada matapos ang nagdaang 7.3 magnitude na lindol na tumama sa lugar noong Hulyo 27, 2022.
Hinimok ng PNP ang mga residente na maging mapanuri, laging handa at makiisa sa panahon ng sakuna upang manatiling ligtas sa anumang oras.
Source: Pnp Tanudan PNP
###
Panulat ni PSMS Marisol A Bonifacio
