Orion, Bataan – Tinatayang Php400,000 halaga ng shabu ang nakumpiska sa apat na suspek sa isinagawang buy-bust operation ng Bataan PNP sa Barangay Villa Angeles, Orion, Bataan nito lamang Huwebes, Agosto 4, 2022.
Kinilala ni Police Colonel Romell A Velasco, Acting Provincial Director ng Bataan Police Provincial Office, ang mga suspek na sina John Kevin Manla y Paguio, 30 at Jerry Monla y De Leon, 54, pawang mga residente ng Brgy. Poblacion Pilar, Bataan; Jayson Paguio y Guzman, 24 at Jiezl Angeles y Matic, 29, pawang mga residente din ng Brgy. Calungusan, Orion, Bataan.
Ayon kay PCol Velasco, bandang 12:30 ng madaling araw nang naaresto ang mga suspek sa nasabing barangay sa pinagsanib na puwersa ng Orion Municipal Police Station, 1st Provincial Mobile Force Company, Bataan PPO, Provincial Intelligence Unit at Police Provincial Drug Enforcement Unit, Bataan PPO.
Ayon pa kay PCol Velasco, narekober mula sa suspek ang nasa humigit kumulang 50 gramo ng hinihinalang shabu na may tinatayang halaga na Php400,000, isang Php1,000 na marked money, isang calibre firearm, isang magazine na naglalaman ng pitong bala.
Nahaharap ang mga suspek sa kasong paglabag sa Section 5 at 11 ng Article II Republic Act 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patuloy pa rin ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya ang bansa sa ipinagbabawal na gamot na sumisira sa kinabukasan ng mamamayan lalo na ang kabataan.
Source: Bataan PPO
Panulat ni PCpl Jeselle V Rivera
