Zamboanga del Sur – Nasabat ang tinatayang Php131,400 halaga ng assorted smuggled na sigarilyo ng Zamboanga del Sur PNP nito lamang Martes, Agosto 2, 2022.
Kinilala ni Police Brigadier General Franco Simborio, Regional Director ng Police Regional Office 9, ang dalawang naarestong suspek na sina Benrasir Maknon Salapuddin, 33, may asawa at si Radzmar Mammah Maknon, 36, may asawa, pawang residente ng Purok Zone 1, Brgy. San Pedro, Pagadian City.
Ayon kay PBGen Simborio, bandang 1:30 ng madaling araw nang nahuli ang dalawang suspek sa QCP, Brgy. Boyugan West, Kumalarang, Zamboanga del Sur ng mga operatiba ng Zamboanga del Sur Police Provincial Office.
Nasabat sa dalawang suspek ang 342 reams ng assorted smuggled na sigarilyo na tinatayang nagkakahalaga ng Php131,400 at isang isuzu elf truck na may Plate No. KAJ 6030.
Nahaharap ang dalawang suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay nagpapaalala sa mamamayan na huwag gumawa ng ano mang ilegal na gawain o aktibidad upang hindi humantong sa pagkakakulong.
###
Panulat ni Patrolman John Ronald Tumonong/RPCADU 9
