Cagayan de Oro City – Arestado ang isang suspek sa Robbery Hold-up sa buy-bust operation ng Cagayan de Oro PNP sa Zone Acasia Extension, Brgy. Carmen, Cagayan de Oro City nito lamang, Agosto 1, 2022.
Kinilala ni Police Major Mario Mantala Jr., Station Commander ng Cagayan de Oro City Police Office-Station 4, ang suspek na si Raymund Aguila alyas “Insik”, 31, residente ng Tambo Carmen, Cagayan de Oro City.
Ayon kay PMaj Mantala, bandang 6:10 ng gabi naaresto ang suspek ng mga operatiba ng Cagayan de Oro City Police Office-Station 8, City Intelligence Unit at City Mobile Force Company.
Nakumpiska sa suspek ang tatlong sachets ng hinihinalang shabu na tumitimbang ng 8.0 gramo na tinatayang nagkakahalaga ng Php54,000, isang pirasong Php500 bill na ginamit bilang buy-bust money, isang keypad cellphone black samsung, isang small plastic container color orange/black, isang unit Caliber .38 revolver na may limang live ammunitions, dalawang pirasong blunt pointed weapon, isang unit ng Huawei cellphone, isang handbag kulay brown at isang vaccination card.
Nahaharap ang suspek sa patong patong na kaso tulad ng Robbery, RA 9165 o Comprehensive Dangerous Drugs Act at RA 10591 o Comprehensive Firearms and Ammunition Regulation Act.
Ang CDO PNP ay mas papaigtingin pa ang kampanya laban sa kriminalidad para mapanatiling ligtas at tahimik ang syudad.
###
Panulat ni Patrolman Joshua Fajardo/ RPCADU 10
