Odiongan, Romblon – Arestado sa isang joint law enforcement operation ang isang Top 7 Most Wanted Person ng Romblon kasong paglabag sa Anti-Carnapping Act of 2016 noong Lunes, Agosto 1, 2022.
Kinilala ni Police Colonel Jonathan Paguio, Provincial Director ng Romblon Police Provincial Office, ang naaresto na si Crispin Ferranco Odoño, 21, tubong Barangay Progreso Weste, Odiongan, Romblon, na nakalista bilang Odiongan Top 7 Most Wanted Person ng Romblon.
Ayon kay PCol Paguio, naaresto ang suspek sa Barangay Tangos, Baliuag, Bulacan ng pinagsamang pwersa ng mga tauhan ng Odiongan Municipal Police Station, at Looc Municipal Police Stations, Romblon PPO, Provincial Highway Patrol Team (PHPT)-Romblon, Romblon Provincial Mobile Force Company (PMFC) kasama ang Bulacan 1st PMFC, PHPT-Bulacan, Baliuag MPS, at 301st MC Regional Mobile Force Battalion.
Ayon pa kay PCol Paguio, naaresto ang suspek sa bisa ng Warrant of Arrest sa kasong paglabag sa Sec. 3 ng RA 10883 o Anti-Carnapping Act of 2016 na may inirekomendang piyansa na Php180,000.
Binati naman ni Police Brigadier General Sidney Hernia, Regional Director ng Police Regional Office MIMAROPA ang matagumpay na pag-aresto sa nasabing wanted person at higit na hinikayat ang lahat ng PNP units sa MIMAROPA na ipagpatuloy ang maayos na pagtutulungan sa kampanya ng PNP laban sa mga wanted person.
Source: Police Regional Office MIMAROPA
###
Panulat ni Patrolman Jorge Michael C Bardiago
