Mandaon, Masbate – Hindi maipinta sa mukha ang kasiyahan ng isang Former Rebel ng ipinagdiwang ng Masbate 1st Provincial Mobile Force Company 2nd Mobile Force Platoon ang unang kaarawan ng kanyang anak sa Barangay San Juan, Mandaon, Masbate nitong Lunes, Agosto 1, 2022.
Ang naturang pagdiriwang ay pinangunahan ni Police Staff Sergeant Mark Paul Francisco, Platoon First Sergeant ng 2nd Mobile Force Platoon, sa ilalim ng pangangasiwa ni Police Lieutenant Colonel Norlando Mesa, Force Commander.
Labis ang kasiyahan ni “Tisoy” (Former Rebel) ng makasama at makapiling niya ang kanyang anak na walang takot at pangamba simula nung nagbalik-loob ito sa gobyerno.
Nagbigay ng birthday cake at simpleng salu-salo ang ating kapulisan para kay “Tisay” na itinuturing na kanilang sariling pamilya.
Ang Pambansang Pulisya ay patuloy sa pag-alalay at pagbibigay ng tulong sa mga former rebels na gustong magbagong buhay at bumuo ng mas maganda at tahimik na buhay.
Source: Masbate 1st PMFC
###
Panulat ni Patrolman Jomar Danao
