Tinglayan, Kalinga – Naghandog ng pabahay ang Tinglayan Municipal Police Station sa isang benipisyaryo sa Tinglayan, Kalinga, nito lamang 10:06 ng umaga, Agosto 1, 2022.
Ang proyekto ay pinangunahan ni PCpt Luis B Bulao Jr., Chief of Police, Tinglayan MPS katuwang ang Tinglayan LGU, mga kaanak ng benipisyaryo, mga stakeholders at sa suporta ni Hon. Sacrament S. Gumilab, Municipal Mayor.
Kinilala ni PCpt Bulao Jr. ang benipisyaryo na si Mr. Armazan Sad-ang, 55, Person with Disability (Total Blindness).
Iginawad kay Mr. Sad-ang ang pabahay kasama ang kanyang pamilya na labis ang tuwa at pasasalamat sa mga kapulisan at pamahalaan.
Ang Tinglayan PNP ay patuloy sa pagtulong sa komunidad maging sa mga indibidwal na may kapansanan at magpapanatili ng kaayusan at kapayapaan sa kanilang nasasakupan.
Source: Tinglayan MPS
###
Panulat ni Patrolman Josua Reyes
