Palaslan, Negros Oriental – Matagumpay na naisakatuparan ng Negros Oriental PNP ang “Ilaw Mo, Sagot Ko Program” sa Barangay Palaslan, Negros Oriental nito lamang ika-31 ng Hulyo 2022.
Ang programa ay aktibong pinangunahan ng mga tauhan ng Tayasan Municipal Police Station sa direktang pangangasiwa ni Police Lieutenant Alfred Vicente Silvosa, Officer-in-Charge.
Muli na namang nakapagbigay ng liwanag ang NegOr PNP sa tahanan ng mapalad na benipisyaryo ng naturang programa at bukod pa sa Solar Light nabigyan rin ng relief goods ang pamilyang napili.
Bakas ang ngiti sa mukha ng benipisyaryo sa regalong natanggap mula sa kapulisan na siya naman nitong lubos na ipinagpasalamat.
Ang “Ilaw Mo, Sagot Ko Program” ay patuloy na inihahatid ng Pambansang Pulisya sa ating mga kababayan upang maramdaman ng mga ito ang init ng pagmamahal ng buong hanay ng Pulisya sa mamamayan.
###
Panulat ni Patrolwoman Kyla Hannah R Evangelista
