Lucena City – Arestado ang limang suspek sa anti-illegal gambling operation ng Quezon PNP sa Purok Camia, Brgy. Silangan Mayao, Lucena City nito lamang Linggo, Hulyo 31, 2022.
Kinilala ni Police Lieutenant Colonel Reynaldo Reyes, Chief of Police ng Lucena City Police Station, ang mga suspek na sina Rosauro Albina Zorilla, 48, Marvin Rafa Rafa, 39, Erwin Brebunuria Tejares, 23, Louie Rovero Riego, 31, at Ronell Ayala Daleon, 38, pawang mga residente ng Brgy. Silangan Mayao, Lucena City.
Ayon kay PLtCol Reyes, bandang 10:37 ng umaga naaresto ang mga suspek sa naturang barangay sa pinagsanib na puwersa ng Lucena City Police Station/Intelligence, Regional Intelligence Unit 4A, Provincial Intelligence Team ng Quezon at Quezon Maritime Police Station.
Narekober sa mga suspek ang dalawang panabong na manok at Php686 na ginamit bilang bet money.
Nahaharap ang mga suspek sa kasong paglabag sa Presidential Decree 1602 o Anti-Illegal Gambling Act.
Ang tagumpay ng PNP laban sa mga ilegal na sugal at mga krimen ay dahil sa patuloy na suporta at pakikipagtulungan ng mamamayan para manatiling maayos at ligtas ang komunidad.
###
Panulat ni Patrolman Mark Lawrence Atencio/RPCADU 4A
