Milagros, Masbate – Nasakote ng Masbate PNP ang ilang loose firearms mula sa isang indibidwal sa bisa ng Warrant of Arrest sa Barangay Bonbon, Milagros, Masbate nito lamang Linggo, Hulyo 31, 2022.
Kinilala ni Police Colonel Rolly Albaña, Provincial Director ng Masbate Police Provincial Office, ang suspek na si Juanito Aragon y Aberjedo, 73, residente ng Purok Sili, Barangay Bonbon, Milagros, Masbate.
Ayon pa kay PCol Albaña, isinagawa ang nasabing operasyon ng mga tauhan ng Milagros Municipal Police Station, Masbate Provincial Intelligence Unit, Masbate 1st Provincial Mobile Force Company, Regional Intelligence Unit 5, Special Action Company, 9th Special Action Battalion at ng 96IB ng Philippine Army.
Ayon pa kay PCol Albaña, nakuha sa suspek ang dalawang caliber .38 revolver na walang serial number na kargado ng anim na bala, isang caliber 22 rifle na may magazine na kargado ng apat na bala, isang homemade automatic caliber 22, sampung piraso ng bala para sa caliber 30, 20 na bala para sa caliber .45, 38 na bala para sa caliber 40, 13 na bala para sa caliber 30, isang magazine para sa M16 rifle na kargado ng 13 na bala, isang plastic magazine na kargado ng sampung bala para sa M16, isang empty magazine ng Carbine, dalawang dilapidated caliber .38, isang caliber .38 cylinder na may fired cartridge case at apat na pirasong barrel para sa caliber .22 rifle.
Sa pinaigting na kampanya ng PRO5 Kasurog Cops sa pagsupil sa lahat ng uri ng kriminalidad ay mas lalo pa nitong pinapalakas ang paglulunsad ng mga operasyon upang makumpiska ang mga loose firearms at mapanagot sa batas ang mga may kinalaman dito.
Source: KASUROG Bicol
###
Panulat ni Patrolman Rodel Grecia
