Tagbilaran City, Bohol – Masayang isinagawa ng mga tauhan ng Tagbilaran City Municipal Police Station ang Project R.E.A.L. (Reading Enhancement, Assessment and Literacy) Police Mobile Library On the Go at libreng lugaw ni Manang Hepe sa Barangay San Isidro, Tagbilaran City, Bohol nito lamang umaga ng Sabado, ika-30 ng Hulyo 2022.
Ang aktibidad ay direktang pinangasiwaan ni Police Lieutenant Colonel Regie P Real, Chief of Police ng Tagbilaran City Police Station, Bohol PPO.
Ayon kay Police Lieutenant Colonel Real, kanilang nililibot ang Police Mobile Library On the Go upang makapagbigay ng kaalaman para sa mga bata at makapaghandog naman ng mga tulong para sa kanilang mga residente.
Lubos naman ang tuwa at pasasalamat ng mahigit sa 150 na mga bata na nahandugan ng biyaya sa naturang aktibidad.
Tinitiyak naman ng Tagbilaran MPS na tuloy-tuloy ang pag-iikot ng kanilang proyekto sa kanilang residenteng nasasakupan upang patuloy na makapaghandog ng tulong at maipadama ang tunay na malasakit at pagmamahal ng Pambansang Pulisya.
###
Panulat ni Patrolman Carl Philip L Galido
