Tambler, General Santos City – Masayang isinagawa ng Regional Mobile Force Battalion 12 at Boys and Girl Scouts of the Philippines ang seremonya ng Ribbon Cutting para sa K.A.M.P. Jamboree na may temang “Kaibigan Ako ng Magiting na Pulis” sa PRO12, Regional Headquarters, Tambler, General Santos City noong ika-29 ng Hulyo 2022.
Pinangunahan ni PCol Jomar Alexis Yap, Force Commander ng Regional Mobile Force Battalion – PRO 12 katuwang sina Wilfredo Grandeza, Boy Scout of the Philippines Council Chairman at ang Council Chairman ng Girl Scout of the Philippines na si Mila Eugenio ang naturang seremonya at sa ilalim ng pangangasiwa ni PBGen Alexander Tagum, Regional Director ng Police Regional Office 12.
Dumalo rin sa aktibidad ang dalawang Battalion Advocacy Council ng RMFB 12 na sina Mr. Roberto Sancio at Hon. Glenn Hatulan, Vice Mayor ng Tupi, South Cotabato upang saksihan at bigyang suporta ang naturang aktibidad.
Limang araw naman ang ilalagi ng mga kalahok ng Jamboree sa kampo ng RMFB12 kung saan sisimulan ito sa buwan ng Agosto.
Kasabay ng inilunsad na seremonya, ipinamahagi rin ng RMFB 12 ang mga kagamitan na gagamitin ng mga kalahok sa limang araw ng scouting at papangunahan ng RMFB 12 ang pagtuturo sa mga kabataan upang mas lalo pang mahasa ang mga ito sa leadership, skills and personality development, disaster preparedness at pagiging makabayan hanggang sa kanilang pagtanda.
Nagagalak naman ang dalawang Council Chairman ng Boys and Girls Scout of the Philippines sa idadaos na Jamboree sa loob ng PRO 12 kung saan mas maraming matutunan ang mga ito sa PNP lalong-lalo na pagdating sa scouting.
Nagpahayag naman si Council Chairman Eugenio, na sana ay tuloy tuloy na ang magandang panimula ng pagtutulungan at pagkakaisa ng Boys and Girls Scout of the Philippines at ng PNP.
Sinang-ayunan naman ito ng RMFB12 at tinitiyak na magiging masaya at ligtas ang mga kabataang lalahok sa kanilang programa na kaugnay sa paglulunsad ng Retooled Community Support Program (RCSP) at Community and Service-Oriented Policing (CSOP).
Inaasahan din ng RMFB12 na madadagdagan pa ang mga kalahok sa pagsisimula ng Jamboree.
Panulat ni Patrolman Khnerwin Jay A Medelin
