Tuao, Cagayan – Nagsagawa ng Tree Planting Activity ang Tuao PNP sa Barangay Culung, Tuao, Cagayan noong Hulyo 29, 2022.
Ang aktibidad ay pinangunahan ni Police Lieutenant Jennifer G Calauad, Deputy Chief of Police ng Tuao Police Station kasama ang KKDAT Tuao Chapter, Municipal Advisory Group at mga BPATs.
May kabuuang 150 na namumungang puno ang itinanim: 50 guyabano, 50 chico at 50 cacao seedlings.
Ang aktibidad na ito ay may kaugnayan sa PNP Core Values na “Makakalikasan”, I Love Cagayan River (Seedlings of Love) at sa Clean and Green: CPPO Dream program na pinasimulan ng Cagayan Police Provincial Office.
Layunin nitong itaguyod at pangalagaan ang kalikasan na nagbibigay ng masustansyang prutas at para maiwasan ang sakuna tulad ng pagbaha, landslide at laganap na global warming.
Source: Tuao PNP Pcr
Panulat ni Police Staff Sergeant Donabel T Dulin
