San Jose, Occidental Mindoro – Arestado ng Maritime Police Station Occidental Mindoro ang dalawang indibidwal matapos mahuling ilegal na nangingisda sa dalampasigan ng Barangay Ambulong, San Jose, Occidental Mindoro nito lamang Hulyo 27, 2022.
Ang mga naaresto ay kapwa residente ng Brgy. Bangkal, San Jose, Occidental Mindoro.
Ayon kay PCol Danao, naaresto ang mga suspek bandang alas-3:40 ng hapon habang nagsasagawa ng Seaborne patrol operation ang mga tauhan ng Maritime Police Station katuwang ang San Jose Municipal Police Station nang maaktuhan nilang nangingisda ang mga suspek na walang permit sa dalampasigan ng Ambulong, San Jose, Occidental Mindoro.
Ito ang resulta ng direktiba ng Officer-In-Charge ng Occidental Mindoro Police Provincial Office, Police Colonel Jun Dexter Danao sa kampanya laban sa lahat ng ilegal na aktibidad sa buong lalawigan.
Source: Occidental Mindoro Police Provincial Office
###
Panulat ni Patrolman Jorge Michael Bardiago
