Pinarangalan ang 1st Cagayan PMFC bilang Most Outstanding Provincial Mobile Force Company sa 27th Police Community Relations Month Culmination sa PNP National Headquarters, Camp Crame nito lamang Huwebes, ika- 28 ng Hulyo 2022.
Ang 1st Cagayan PMFC ay pinamumunuan ni PLtCol Lord Wilson Adorio, Force Commander, PNPA Bagsay-Lahi Class of 2006 sa ilalaim ng liderato ni PBGEN Steve B Ludan, Regional Director, PRO2.
Iginawad sa 1st Cagayan PMFC ang Most Outstanding Provincial Mobile Force Company dahil din sa kanilang hindi matatawarang serbisyo para sa Cagayanos, hindi lamang sa pagtupad sa kanilang sinumpaang tungkulin gayundin sa pagbibigay ng serbisyo at mga programa bilang kanilang Best practices.
Ang mga proyekto tulad ng OPLAN A.D.O.R.I.O,” Pinagkaisang Malasakit Food Car”, “Pasasalamat Magigiting na Front liners Kontra COVID-19”, “1st PMFC Makakalikasan Flood Control, Project T.A.N.I.M., Project Y.A.Y.A.P., “Masipag si Tsip”, Project PATAK- PATAC, Project ARMAS SUKAT BAGAS , ETNEB Challenge, Project S.K.U.L- CARE, Project Tawid K.A.U.N.L.A.R.A.N., Project palaisdaan ni FC, CRF, Project A.C.A.P., Project “Poging PMFC” at 1st Cagayan PMFC Libreng Pabahay Program ay ilan lamang sa mga tumatak na talaga namang nagbigay inspirasyon at tulong sa mga Cagayano.
Ang parangal na iginawad kay PLtCol Adorio ay kaugnay sa pagdiriwang ng 27th Police Community Relations Month.
Sumasalamin ito sa serbisyong may puso at malasakit ng PNP, hindi lamang sa paglaban sa kriminalidad kundi maging sa pagpapanatili ng kaayusan at kapayapaan sa lambak ng Cagayan.
Sa parangal na tinanggap, tiniyak ng 1st Cagayan PMFC na patuloy nilang gagampanan ang tungkulin gayundin ang puwersa ng mga Provincial Mobile Force Company sa buong Region 2 na maipadama ang serbisyo at malasakit sa higit na nangangailangan nang sa gayon lumalim pa ang ugnayan ng PNP sa komunidad.
###
Panulat ni Police Corporal Jermae D Javier
