Lazi, Siquijor – Naghandog ng Proyektong “Ilaw Mo, Sagot Ko” ang mga tauhan ng Lazi Police Station, Siquijor Police Provincial Office sa isang residente ng Barangay Simacolong, Lazi, Siquijor nito lamang Miyerkules, Hulyo 27, 2022.
Ang nasabing aktibidad ay pinangunahan ng mga tauhan ng Lazi Police Station sa direktang pangangasiwa ni Police Lieutenant Roberto S Anulacion, Acting Chief of Police.
Ang napiling benepisyaryo ay si Nanay Mercy Baguio, isang maybahay at may limang anak na residente ng Seaside Barangay Simacolong, Lazi, Siquijor.
Si Nanay Mercy ay nanghihiram lamang ng led bulb sa kanyang kapatid para sa pansamantalang paggamit nito sa gabi dahil wala silang sapat na pondo para makabili nito.
Ang donasyong solar light ay tiyak na makakapagbigay liwanag sa kanilang pamilya upang makatulong lalong-lalo na sa pag-aaral ng kanilang mga anak.
Samantala, nagbigay din ng food packs ang mga tauhan ng Lazi Police Station sa naturang benipisyaryo.
Ang inisyatibo na ito ng Lazi PNP ay isang hakbang upang makatulong sa kanilang mga nasasakupan sa abot ng kanilang makakaya lalong-lalo na sa mga lubos na nangangailangan.
###
Panulat ni Patrolman Aivan Guisadio
