Leyte – Arestado ang isang Top 2 Most Wanted Person (Provincial Level) na may kasong Rape sa isinagawang operasyon ng Leyte PNP
sa Brgy. Catmon, Tabango, Leyte noong Miyerkules, Hulyo 27, 2022.
Kinilala ni Police Lieutenant Carmelo I Gacho, Officer-In-Charge ng Tabango Municipal Police Station, ang naaresto na si Efren Mandawe y Oria, 30, binata, magsasaka, at residente ng Brgy. Catmon, Tabango, Leyte.
Ayon kay PLt Gacho, bandang alas 9:00 ng umaga naaresto si Mandawe sa bisa ng Warrant of Arrest sa joint operation ng Tabango MPS, PPO-Provincial Intelligence Unit, 2nd Leyte PMFC, CIDG-NL Provincial Field Unit, LPPO-Provincial Special Operation Group.
Ang akusado ay nahaharap sa kasong Rape kaugnay sa Republic Act 7610 at walang inirekomendang piyansa para sa kanyang pansamantalang kalayaan.
Ang kapulisan ng Leyte ay patuloy na magtutulungan at magsisikap upang mahuli ang mga may sala sa batas at mabigyan ng hustisya ang kanilang mga naging biktima.
###
Patrolwoman Rialyn B Valdez
