Bogo, Maria – Nagsagawa ng Blessing and Turn-over Ceremony ng “Balay Mo, Gasa Ko Project” ang mga tauhan ng Siquijor Police Provincial Office kaugnay sa ika-27th Police Community Relations Month Celebration sa Barangay Bogo, Maria nito lamang Hulyo 26, 2022.
Ang nasabing aktibidad ay pinangunahan ng Acting Provincial Director ng Siquijor Police Provincial Office na si Police Colonel Robert D Lingbawan, na siyang pormal na dinaluhan ni Police Lieutenant Colonel Abdulnasser Dimaporo, Police Lieutenant Susmitha Hinoguin, Mrs. Phoebe Lace Lingbawan at Punong Barangay Tessie Calimpon.
Pinangunahan ni Rev. Fr. Jerry Flores ang pagbebendisyon ng bahay na dinaluhan din nina Board member Brylle Deeiah, SP Committee Chairperson on Social Services & Provincial Advisory Group-SPPO Chairperson kasama sina Vice Mayor Ivy Dan Samson, SB Member Guy Magpiong, SK Municipal Federated President ng Maria Hon. Gg Hans Adam Ambalong, Youth for Peace El Fuego Chapter na pinamumunuan ni Mr. Dex Magtahas, KKDAT Peace Camp Graduates, Youth for Peace Maria-Sinagraya Chapter, Municipal Advisory Group of Maria sa pangunguna ni Ms Candelaria Aninipo, private sponsors at iba pang residente ng Brgy. Bogo, Maria.
Ayon kay Police Colonel Lingbawan, opisyal na tinanggap ng recipient ng “Balay Mo, Gasa Ko Project” na si Tatay David ang kanyang bahay, bigas at groceries.
Nagpaabot naman ng taos-pusong pasasalamat si Tatay David at kanyang pamilya sa mga pagsisikap, tulong na ginawa at ipinagkaloob ng kapulisan ng Siquijor Police Provincial Office at Maria Police Station.
Layunin ng programang “Balay Mo, Gasa Ko” ng Siquijodnon PNP na maghatid ng tulong at ginhawa sa bawat mamamayan lalong lalo na sa mga residente na naninirahan sa liblib na lugar at hindi na makapagpatayo ng sariling bahay.
###
Panulat ni Patrolwoman Jenilyn C Consul
