Bacolod City – Umabot sa Php1,394,000 halaga ng shabu ang nasabat sa isang suspek sa buy-bust operation ng PNP nito lamang Huwebes, Hulyo 28, 2022.
Kinilala ni Police Brigadier General Randy Q Peralta, Director ng PNP Drug Enforcement Group, ang suspek na si Ramon Descutido Vertudes Jr., 31, lalaki, walang asawa at residente ng Purok Villa Baradas, Barangay Alijis, Bacolod City Negros Occidental.
Ayon kay PBGen Peralta, naaresto ang suspek bandang alas-12:15 ng umaga sa nasabing lugar ng mga operatiba ng PNP DEG, Special Operations Unit 6 at Station Drug Enforcement Team, Police Station 8, Bacolod City Police Office.
Nakumpiska mula sa suspek ang 50 gramo ng white crystalline substance na naglalaman ng hinihinalang shabu at may Standard Drug Price na Php1,394,000, isang genuine Php1000 bill bilang buy-bust money at isang sling bag.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang kampanya ng PNP laban sa ilegal na droga at iba pang krimen upang mapanatili ang maayos at ligtas ang komunidad.
Source: PNP DEG
###
Panulat ni PSMS Marisol A Bonifacio
