Sta. Cruz, Occidental Mindoro – Isinuko ng isang concerned citizen ang kanyang natagpuang baril sa mga tauhan ng Sta. Cruz Municipal Police Station sa Sitio Alawa, Barangay Mulawin, Sta. Cruz, Occidental Mindoro nito lamang Hulyo 27, 2022.
Ayon kay Police Colonel Jun Dexter Danao, Officer-In-Charge ng Mindoro Police Provincial Office, nakatanggap ng tawag ang Sta. Cruz MPS mula sa residente ng Poblacion 2, Sta. Cruz, Occidental Mindoro, na may natagpuang baril sa bulubunduking bahagi ng Sitio Alawa, Barangay Mulawin, Sta. Cruz, Occidental Mindoro bandang 3:15 ng hapon.
Ayon pa kay PCol Danao, isang improvised shotgun ang natagpuang baril sa nasabing lugar, na agad namang dinala sa Sta. Cruz MPS para sa dokumentasyon at tamang disposisyon.
Ito ay kasunod ng direktiba ni PCol Danao, hinggil sa puspusang pagsasagawa ng Information Drive at OPLAN Katok laban sa mga hindi rehistradong baril at pampasabog.
Source: Occidental Mindoro Police Provincial Office
###
Panulat ni Patrolman Jorge Michael C Bardiago
