Jagna, Bohol – Masayang namahagi ng food packs at libreng pagkain ang mga kawani ng Jagna Police Station sa Barangay Nausok, Jagna, Bohol nito lamang ika- 25 ng Hulyo 2022.
Ang naturang aktibidad ay pinangungunahan ni Police Major Auxteriaco Lopez, Chief of Police ng Jagna Police Station at aktibong nakisaya ang mga residente ng nasabing lugar.
Bakas ang saya at galak ng mga dumalo sa programa dahil bukod sa handog na food packs ng mga tauhan ng istasyon ay walang pag-atubiling nakipagsalamuha at nakipagkwentuhan ang mga kapulisan sa mga ito.
Ang naging aksyon ng Jagna Police Station ay naglalayon na mas patatagin ang ugnayang pulisya at komunidad sa pamamagitan ng pagpapaabot ng serbisyong tapat at may puso.
###
Panulat ni Patrolwoman Kyla Hannah R Evangelista
