Alfonso Lista, Ifugao – Nagsagawa ng community outreach program ang Alfonso Lista PNP sa Sitio Minanga, Alfonso Lista, Ifugao nito lamang Hulyo 25, 2022.
Ang aktibidad ay pinangunahan ng mga tauhan ng Alfonso Lista Municipal Police Station sa ilalim ng liderato ni Police Major Basilio K Hopdayan Jr., Chief of Police katuwang ang mga miyembro ng KKDAT Sta. Maria at Faith-Based Advocacy Groups at CAA Pinto Patrol Base.
Itinampok sa nasabing aktibidad ang pamimigay ng mga gamit sa paaralan at personal hygiene kits sa mga bata at sandals naman sa kanilang mga magulang.
Bukod pa rito ay tinalakay at nagbigay kaalaman ang mga naturang grupo hinggil sa mga usaping Anti-terrorism, Anti-illegal drugs at mga kuwento sa bibliya.
Pagkatapos ng talakayan ay namahagi rin sila ng libreng meryenda sa mga residente ng nasabing lugar.
Ang Pambansang Pulisya ay patuloy sa pagbibigay ng magandang serbisyo sa mga mamamayan upang mas lalong mapagtibay ang ugnayan ng PNP at ng komunidad.
Source: Pnp Ifugao Alfonso Lista
###
Panulat ni Patrolwoman Febelyne Codiam
